Giriş Qadağandır. ( III Hissə)

Hər şey dumanlı bir cümə günü başladı.Şiddətli ildırım çaxır, yağış bir saniyə olsun səngimək bilmirdi.Günorta vaxtı olmasına baxmayaraq sankı hava qaralmış bu hüznlü mart gününü öz tutqun aurasına qərq etmişdi.
      Kitabxanadan çıxıb evə doğru addımlamağa başladım.Nədənsə yağışı heç sevməzdim.Xüsusən də yaz aylarında onun tamam özgə bir qəddarlıqla yağdığını hiss edirdim.Lakin belə havalarda küçədə heç kimin olmamağı xüsusiylə zövqümü oxşayırdı.
     Özünəqapalı insanların hər zaman sakitlikdə uzun yollar getməyə ehtiyacı olur.Mən də o insanlarda biriyəm.Odur ki, bu bədbin yağışa dözərək yolumun uzadıb geniş Meydana doğru üz tutdum.
      İnsan həyatda uşaqlıq illərinə qayıtmaqdan, o qayğısız günlərin bütün həyəcanını qəlbində hiss etməkdən daha çox nə istəyə bilər ?! Bəlkə də elə o səbəbdən ayaqlarım hər fürsətdə məni bura gətirirdi.Üzərinə xatirələr hopmuş bu geniş meydan dəfələrlə yenilənsə də o xatirələr üzərindən silinmir, əksinsə uzaqlaşdıqca daha da çox işıq saçmağa başlayırdı.Taxta skamyalarından yağış süzüldükcə yadıma nənəmin qayğı dolu təbəssümü düşürdü.Rəhmətlik necə də səmimi və şən qadın idi.Kaş ki, mən də onun qədər möhtəşəm ola bilsəydim.

AFA (II Hissə)

   

Öz hekayəmə getmək üçün hər zaman geciksəm də, gecikmə müddətimin sehrli olduğundan bunun heç vaxt fərqinə varmamışdım. İstər öz hekayəsinə getsin istər getməsin, hər insanın həyatına fırtına effekti yaradacaq möhtəşəm bir dost gəlmişdir.Mənim üçün bu dost Əfşan Əzimzadədir.Qısaca desək Afa.

     Onunla ilk tanış olduğum zaman 11 yaşım vardı. İsti bir yay günündə tanımadığım adamın qaçaraq otağıma daxil olduğunu gördüm.O çay içir, valideynlərimlə söhbətləşir, hansısa mövzular haqqında mühakimə yürüdürdü. Uzun barmaqları hamıdan incə, çilli üzü hamıdan daha parlaq idi.Saçının qısa kəsilmiş hissələri ona heç kimə yaraşmayan qədər çox yaraşırdı.Yumru burnu ara-sıra qaşınır bu onu yaşından daha balaca göstərən hərəkətklərə sövq edirdi.

Diqqət! İşə Qəbul Olunmaq İstəyənlərin Bilməli Olduğu 10 Qızıl Qayda.

Əyər önəmli bir iş görüşməsinə gedirsinizsə bu məsləhətlərimə riayət etsəniz, uğur qazanacağınıza əminəm…Amerikada ən bacarıqlı şirkətlər bu incəliklər üzərində qurulmuşdur.

1. Bahalı qol saatından istifadə edin  və çalışın ki, qol saatınız geyiminizə uyğun olaraq rəsmi-işgüzar üslubda olsun.Eleqantlığı ilə diqqət çəksin.
Çünki, qol saatı sizin zamanınıza verdiyiniz dəyəri ifadə edir.Saat nə qədər qiymətli olsa zamanınız da o qədər qiymətlidir, nə qədər ucuz olsa, zamanınızın dəyəri də o qədər azdır.

Romanın ən məşhur 5 muzeyi

Mədəniyyətin beşiyi sayılan Romaya səyahət haqqında düşünürsünüzsə bu yazım məhs sizin üçündür.
     Qədim tarixi olan bu şəhər "Opera" musiqisi və möhtəşəm memarlıq nümunələri ilə məşhur olmaqla yanaşı, zövq oxşayan muzeyləri ilə də dünyaya səs salmaqdadır. Əgər Romaya istirahət üçün getmisinizsə və şəhəri gəzmək niyyətindəsinizsə az sonra haqqında yazacağım muzeylərdə olmamaq necə deyərlər günah olar.
1. Capitoline Muzeyi (Musei Capitoline)
Romanın ən dəyərli tarixi muzeyi hesab olunan Capitoline muzeyində olmamısınızasa Romanı görmüş hesab olunmazsınız.İyaliya tarixində baş vermiş ən mühim tarixi hadisələri əks etdirən bu muzey 3 binadan ibarətdir. 1536-cı ildə inşasına başlanılan muzey Vatikanın dəstəyi ilə ərsəyə gəlmiş və Roma papasının nəzarətinə götürülmüşdür. Muzeyin əsas hissəsini təşkil edən 1471-ci ilə aid tünd rəngli heykəllər Capitoline-nin əsas xəzinəsi hesab olunur.

2. Barberini sarayı (Palazzo Barberini) 
Barberini Sarayı 235-ci Roma Papası Maffeo Barberi tərəfindən 1625-ci ildə satın alınmışdır.

Qadın Müdrikləşirdi

    Qadın müdrikləşirdi.Sanki ruhuna oxunurdu bilinməz dualar.Bir kilsə şamı kimi yanıb uzaqlaşır, adsız yüksəkliklərə ucalırdı.Qadın aram-aram qeyb olurdu xatirələrdən, fotoşəkil albomlarından, ilahi ifaların sözlərindən....Ona yazılan şeirlər sankı vərəq parçalarında süzülüb düşür, bütün ona həsr olunmuş bəstələr əbədiyyətə qovuşurdu.Qara geyimli adamların əllərindən dağılırdı bir şüşə qırmızı şərab.Qadın süzülürdü badələrə göz yaşı olub...İlk dəfə və son dəfə baxırdı sevdiklərinə hüzn və istirab hissi ilə.Heyranı olduğu, bir zamanlar dəlicə arzularla, çılğın mahnılarla keçdiyi bu küçələrdən indi matəm marşı, öz sevimli ifası ilə keçirdi.

Şərab Qırmızı (l Hissə)

Ciddi hekayələr hər zaman kiçik bənzərliklərlə başlayır. Günəşi torpağın altında təsəvvür edin, onun məzarını necə soyuqqanlılıqla ziyarət edə bildiyinizə heyrətlənməmək mümkün deyil.Qaranlıq qırmızıdır, lakin qırmızı hər zaman iki idi.Qan qırmızı və Şərab qırmızı.Qan qırmızı təqib edər, Şərab qırmızı təqib olunar.Qan qırmızı sərtliyi sevər, Şərab qırmızı sehri.Qan qırmızı savaşar, Şərab qırmızı qalib gələr.

      Mənim adım Tonikadır, Tonika Qarayeva.

Hər kəsin hekayəsi yolda, məktəbdə, bir doğum evində ya da sadə dizayn olunmuş bir kafedə başlayır.Mənim hekayəmsə mənim olmayan hekayələri gəzmək səbəbindən hər zaman təxirə salınmışdır.
      Mən adım Tonikadır, pianist olmaq arzusunun arxasınca getmədiyi üçün peşman olmuş və özünə olan inamını sarsıdacağından qorxuduğunu etiraf edərək qızlıq soyadını əsla dəyişdirməyən Afət Quliyeva və fotoqraf Rəşid Qarayevin qızıyam.

Mənim Dəfnim Barədə

     

Yağış yağıb torpağın ətrinin bütün orginallığı ilə burnunuza təzyiq göstərdiyi gündə ölmək istəyirəm.Lakin günəşli , buludların zarafat edirmiş kimi fəzada düzüldüyü, küləyin xəfif, fəqət ritmik dalğalarla üzünüzə vurduğu, şıltaq bir gündə dəfn edin məni…    
       Öldüyüm günlə dəfnim arasından bir gündən artıq fərq qoymayın. Ki, yaraşmaz  bu cümlələri  “ki”  ilə başlayıb "amma” ilə bitən romanların müəllifinə.
 İmkan verin fəlsəfəm qeyri-sabit, qeyri-monoton olsun. Kirli barmaqlarınızı uzatmayın tanrının təkrarolunmaz əsərinə-cəsədimə !
       Formaldehid tökməyin üzərimə .Bu qoxuya bütün varlığımla nifrət edərkən, incitməyin cismimdə bəlkə hələ də yaşamaqda olan son hücerələri…

Caz musiqisi haqqında

Jazz (Caz) musiqisi ilk dəfə 1900-cü ildə zəncilər tərəfindən yaradılmış və ABŞ-ın cənub əyalərində inkişaf etməyə başlamışdır."Caz" sözünü ilk dəfə Nyu Orelan şəhərində bir qara dərili istifadə etmiş və daha sonra bu musiqi növü müxtəlif mənşəli musiqilərlə sintez olunaraq daha da təkinləşdirilmişdir.Qısa müddət ərzində ağ dərililərin də diqqətini çəkməyə bacaran "Caz" artıq estrada musiqiləri ilə yanaşı səsləndirilirdi.

Həkim "İşan Hüseyini" haqqındada qısa hekayə

Doktor İşan Hüseyni Pakistanlı və olduqca məşhur bir həkim idi. Tibb sahəsində əldə etdiyi böyük nəaliyyətlərinə görə medal almaq üçün beynəlxalq bir konfransa getməyə tələsirdi. Təyyarəyə mindi, təyyarə havada olarkən qəflətən hava dəyişdi. Göy gurultuları, ildırımlar və şimşək təyyarəni yaxınlıqdakı hava limanına enməyə məcbur etdi. Ancaq növbəti uçuş 16 saatdan sonra olmalıydı. Həkim bu hadisədən narahat oldu, "mən nə olur olsun bu tədbirə yetişməliyəm" deyirdi. Hava limanının işçiləri həkimin gedəcəyi yerin 6 saatlıq məsafədə olduğunu və avtomobillə

Shade Nagizade

 Xoş gördük, dəyərli oxucu...Mən Shade Nagizade.Gördüyünüz bu sərsəri blogun araşdırmaçısı və yazarıyam. Beynimdə hər zaman müxtəlif idealar cərəyan etdiyi doğrudur.Onların bir çoxu seminar və müzakirələr zamanı fikirlərim arasında peyda olmağa başlayıb.
Öyrənərkən deyil, öyrədərkən daha çox inkişaf etdiyimi kəşf etdiyim gündən bəri təlim və dəyirmi masalar təşkil edib bildiklərimi insanlarla bölüşməyə başladım.Kənd-kənd, şəhər-şəhər gəzib yüzlərlə fərqli xarakterli insan tanıdım...Və bu səyahətlər mənə önəmli bir şey öyrətdi." İnsan bütün qəlbi ilə istəsə hər şeyi bacarar."
Blog yazmağa ilk dəfə 2010-cu ildə çox qəribə bir təsadüf nəticəsində başlamışam. Belə ki, yeni tanımağa başladığım bir QHT-rəhbəri mənə blog təlimində iştirak etməsəm bir daha QHT-nin xidmətlərindən istifadə edə bilməyəcəyimi söylədi.O zamanlar "blog"-un nə olduğunu belə bilmirdim.
Məcbur qalıb qatıldığım bu tədbir mənə sonralar insanlarla bölüşə biləcəyim onlarla məlumat verdi.Bir müddət sonra bilidiklərimi təkminləşdirərək bir-neçə blog açdım.Lakin hər birini müxləlif səbəblərdən bağlamalı yaxud fəaliyyətini dayandırmalı oldum.
...Və budur sizə RadioYazar olaraq geri qayıtdım.Blog adını belə seçməyimin səbəbi hekayə yazmağa başladığım ilk günlərdə radiodan ilhamlanmağımdır.O günlərin ən xoş xatirəsinə xitabən, blogumu təkminləşdirib zövq oxşamağı özümə borc bilirəm.
Dəyərli vaxtınızı blog yazılarıma ayırdığınız üçün təşəkkür edirəm.

Sevgilərlə: Shade Nagizade

PS: Əlaqə üçün aşağıdakı yazılara klikləyərək, bu vasitələrdən birindən istifdə edə bilərsiniz:

Shade Nagizade- Facebook

Shade Nagizade- Twitter

Əyər bu sosial şəbəkələrdən istifadə etmirsinizsə e-mail vasitəsiylə öz rəy və təkliflərinizi yazsanız ziyadəsiylə şad olaram.
shade.nagizade@gmail.com